Қаруды тасымалдауға сұраныс ұшуға дейін 72 сағаттан кешіктірілмей қойылады. Растау үшін мына форманы толтыруыңыз қажет немесе авиабилеттерді сату жөніндегі агенттік арқылы сұрау салуды рәсімдеу қажет. Қаруды тасымалдауға арналған сұрау салуда:
• қарудың сипаттамасы мен санын;
• моделін;
• патрондардың сипаттамасы мен салмағын;
• броньдау немесе билет нөмірін көрсету қажет.
Қару мен оның оқ-дәрілерін тасымалдау үшін алдын ала келісу және қосымша ақы төлеу талап етіледі.
Қару зарядталмауы керек. Оқ-дәрілер тек жеке пайдалануға, спорттық және (немесе) аңшылық мақсаттарға арналуға тиіс.
Әрбір жолаушыға оқ-дәрілердің жалпы салмағы 5 кг-нан аспайды (өлшеу қажет).
Оқ-дәрілер сенімді түрде оралып, стандартты сауда қаптамасында болуы керек. Әуежайда барлық формальдылықтарды уақтылы өту үшін жолаушылар онлайн тіркеудің болуына қарамастан, рейс ұшқанға дейін 2 сағат бұрын тіркеуге келуі керек. Жарылғыш және отты оқ-дәрілерді тасымалдауға тыйым салынады.
Толығырақ осында.
Ақы төлеу бір жиынтық үшін жүргізіледі: тыстағы/ құтыдағы қарудың 1 бірлігі + оқ-дәрілері бар 1 қаптама.
Сіздің саяхат бағытыңыз бойынша тарифтер осы жерде көрсетілген.
Атыс қаруын, қару үлгілерін, қанжарларды, жиналмалы пышақтарды және басқа да агрессивті көрінетін заттарды тек тіркелген багажда тасымалдауға рұқсат етіледі.
Қаруды тасымалдау шарттарымен мына жерде танысуыңызды сұраймыз.
Батареялары бар электрондық сигареттер (электрондық сигареттерді, түтікшелерді, жеке пайдалануға арналған басқа да буландырғыштарды қоса алғанда) тек қол жүгімен тасымалдануы тиіс. Электрондық сигареттерді халықаралық бағыттар бойынша тасымалдаған жағдайда, электрондық сигареттерді әуежайдың Шекара қызметінде ұшып шыққан елге/елден әкелу және әкету қағидаларын нақтылауды сұраймыз. Мысалы, Үндістан Республикасы Азаматтық Авиация Министрлігінің талаптарына сәйкес электрондық сигареттер мен никотинді электрондық жеткізу жүйелерін (ENDS) әкелудің және әкетудің барлық нысандарына жолаушылардың қол жүгін қоса алғанда, багаждың барлық түрінде тасымалдауына, сондай-ақ жүк ретінде тасымалдауына толық тыйым салынған.
Қауіпсіздікті қамтамасыз ету мақсатында қосалқы литий батареяларын, аккумуляторларды, олардың элементтерін тек қол жүгімен тасымалдауға рұқсат етіледі. Қосымша сұрау қажет емес.
Air Astana рейстерінде тасымалдауға келесі үлгідегі батареялар рұқсат етілген:
--Литий-иондық (Li-iON)
* 100 ватт/сағ дейінгі шағын қосалқы батареялар тек қол жүгінде (бір жолаушыға 20-дан аспайды);
* Орташа қосалқы батареялар сағатына 100-ден 160 ваттға дейін тек қол жүгі (бір жолаушыға 2-ден аспайды);
* Үлкен батареялар, қуаты 8 грамнан асады, тек жүк тасымалы.
-- Литий-металл (LI-MH)
* Тек қол жүгінде 2 грамға дейінгі шағын қосалқы батареялар (бір жолаушыға 20 грамнан аспайды); * Орташа қосалқы батареялар тек қол жүгінде 2-ден 8 грамға дейін (бір жолаушыға 2-ден аспайды); * 8 грамнан асатын үлкен батареялар тек жүк тасымалы.
Қосалқы батареялар жеке қорғалуы керек және өндірушінің бастапқы қаптамасында болуы керек немесе қысқа тұйықталуды болдырмау үшін олардың терминалдары оқшауланған болуы керек.
Егер сіздің батареяларыңыз жоғарыда көрсетілген талаптарға сәйкес келмесе, онда алдын-ала рұқсат қажет. Растау үшін мына форманы толтыруыңыз қажет.
Тасымалдау талаптарға сәйкес болған жағдайда қосымша сұраусыз мүмкін болады:
Бір адам 15-тен аспайтын кіріктірілген батареяларды багажда немесе қол жүгінде тасымалдай алады. Егер литий-металл аккумуляторларында 2 г астам литий болса немесе литий-ионды батареялардың қуаты 100 ватт/сағ асқан жағдайда, онда алдын ала рұқсат қажет. Растау үшін мына форманы толтырыңу қажет.
Қауіпсіздік ережелеріне сәйкес литий батареяларымен жұмыс істейтін шағын жеке моторлы көлік құралдарын тасымалдау, мысалы:
Air Astana әуе компаниясының борттарында жүктің барлық түрлерінде тыйым салынған.
Air Astana әуекомпаниясының рейстерінде жарылыс қауіпті заттарды, сығылған газдарды (аэрозольдерді), тез тұтанатын сұйықтықтарды, құрамында оттегі көп заттарды, мысалы тотықтар мен ағартқыш ұнтақтар, сондай-ақ улы, радиоактивті, коррозиялық, зиянды, иісті, тітіркендіргіш заттар, сондай-ақ магниттік материалдар тасымалдауға тыйым салынады.