Сіз бизнес-класс немесе эконом-класс рейсімен ұшсаңыз да, дәмді әрі пайдалы тағамдар мен әсем безендірілген мәзір сізді қуантады. Мәзір рейстің ұзақтығына байланысты. Қысқа рейстерде сізге суық, ыстық сусындар мен сэндвичтер ұсынылады. 3 сағаттан асатын рейстерде сізге ыстық тамақ, ыстық және салқын сусындар ұсынылады.
Егер сіздің арнайы тағамға қатысты қалауларыңыз болса, оны тегін тапсырыс беруге болады. Ол үшін ұшуға дейін кемінде 24 сағат бұрын Брондау және ақпарат орталығына телефон арқылы, WhatsApp арқылы, өз қалаңыздағы сату кеңсесіне хабарласу арқылы немесе Air Astana сайты мен мобильді қосымшасындағы «Брондауды өзгерту» бөлімі арқылы тапсырыс беруге болады. Сондай-ақ тікелей сұраныс жіберуге мүмкіндік бар.
Ескерту: арнайы тағамдардың қолжетімділігі ұшу бағытына байланысты өзгеруі мүмкін.